TIDAK TAHU APA SALAH AMBO KENA TAMPAR

Tadi ambo gi bandar Koto Baru nok amik gamba pasport kat keda gamba depe stesen bas Koto Baru tu.

Lepah gamba sudoh cuci ambi pun kelik naik bas no 43, mugo bas no 43 jah hok gi Kg Laut.

Maso ambo duk dale bas, ambo pun wat tubik gamba hok ambik tadi nok kelih.

Bas nyo bowok deras, angin kat luar jendelo bas pun deras bena. Tibo-tibo jah gamba ambo tadi tu terebe jatuh kat kaki oghe belake ambo.

Ambo tunduk nok ambik tapi gamba tu pulok tertutup denge kain kakok hok duk belake tu.

Ambo pun oyak lah ko kakok tu. "Kak, tulong angkat kain metar, kito nok ambik gamba"

Tok pasal-pasal dio tapar berleping ko muko ambo. Pinar metar butil mato ambo tadi. Saloh ko ambo oyak gitu.??

Apo saloh ambo dan doso ambo wei..???

(sumber WhatsApps - tak tahu sapo punya cite)